Մենք փնտրում ենք փորձագետի, ով կմասնակցի Լեռնային Ղարաբաղից տեղահանված հաշմանդամություն ունեցող կանանց իրավունքների, ծրագրերի և ծառայությունների վերաբերյալ ուղեցույցի մշակման և պատրաստման գործընթացին՝ նպաստելով դրա բովանդակային որակի, կիրառելիության և մատչելիության ապահովմանը։

Ուղեցույցի պատրաստման նպատակն է՝

Նպաստել Լեռնային Ղարաբաղից տեղահանված հաշմանդամություն ունեցող կանանց հզորացմանը՝
▪ նրանց իրավունքների վերաբերյալ իրազեկվածության բարձրացման,
▪ նրանց համար նախատեսված պետական և ոչ պետական ծրագրերի ու ծառայությունների մասին հասանելի, հստակ և գործնական տեղեկատվության տրամադրման միջոցով։

Ծառայություն մատուցողի հիմնական պարտականությունները

– ուսումնասիրել տեղահանված հաշմանդամություն ունեցող կանանց իրավունքներին վերաբերող ազգային և միջազգային իրավական դաշտը,
– հավաքագրել և վերլուծել նրանց համար նախատեսված գործող ծրագրերն ու ծառայությունները,
– մշակել ուղեցույցի բովանդակությունը՝ պարզ, հասկանալի և օգտատիրական ձևաչափով,
– համագործակցել ծրագրային թիմի հետ՝ բովանդակության հստակեցման և խմբագրման ընթացքում,
– անհրաժեշտության դեպքում ներկայացնել առաջարկություններ՝ ուղեցույցի բարելավման նպատակով։

Անհրաժեշտ որակավորումներ և փորձառություն

– բարձրագույն կրթություն մարդու իրավունքների, սոցիալական աշխատանքի, իրավագիտության, գենդերային ուսումնասիրությունների կամ հարակից ոլորտում,
– առնվազն 2 տարվա աշխատանքային փորձ մարդու իրավունքների, հաշմանդամության իրավունքների, փախստականների կամ գենդերային ոլորտում,
– ուղեցույցների, հետազոտությունների կամ վերլուծական նյութերի մշակման փորձ,
– թեմայի նկատմամբ զգայուն և իրավունքահեն մոտեցում,
– գերազանց գրավոր հայերեն (անգլերենի իմացությունը կդիտվի որպես առավելություն),
– սահմանված ժամանակացույցին համապատասխան աշխատելու կարողություն

Ծրագրի մասին

«Մարդու իրավունքները փախստականների հետ և նրանց համար» ծրագիրն իրականացվում է Եվրոպական միության աջակցությամբ՝
– Ժողովրդավարության զարգացման հիմնադրամի,
– Փախստականների հարցերով էստոնական խորհրդի,
– Ընդդեմ կանանց նկատմամբ բռնության կոալիցիայի և
– «Քըմիթ Գլոբըլ» կազմակերպության կողմից։

Ծրագիրն ուղղված է Լեռնային Ղարաբաղից տեղահանված փախստականների աջակցմանն ու հզորացմանը՝ նրանց իրավունքների վերաբերյալ գիտելիքի և իրազեկվածության բարձրացման, ինչպես նաև նրանց համար նախատեսված ծառայությունների և հնարավորությունների վերաբերյալ տեղեկատվության հասանելիության ապահովման միջոցով։

Դիմելու կարգը

Հետաքրքրված փորձագետներին խնդրում ենք մինչև փետրվարի 15-ը ուղարկել՝
▪ ինքնակենսագրական (CV),
▪ կարճ մոտիվացիոն նամակ

անգլերեն կամ հայերեն լեզվով հետևյալ էլեկտրոնային հասցեներին՝
– [email protected]
– [email protected]

նամակի վերնագրում նշելով՝ «Ուղեցույցի պատրաստման փորձագետ»։

Հարցերի դեպքում կարող եք զանգահարել 077 043 042 հեռախոսահամարին։

Դիմումների գնահատման սկզբունքներ

Դիմումների գնահատումն իրականացվելու է երկու փուլով՝

1. ինքնակենսագրականների գնահատում,
2. հարցազրույց։

Միայն սահմանված պահանջներին համապատասխանող և գնահատող հանձնաժողովի կողմից առավելագույն միավորներ ստացած թեկնածուները կհրավիրվեն հարցազրույցի։

Վճարում և ժամկետներ

Վճարումը կիրականացվի ամսական կտրվածքով՝ ծառայություն մատուցողի կողմից ներկայացված հաշվետվության հիման վրա։

«Մարդու իրավունքները փախստականների հետ և նրանց համար»  ծրագիրն իրականացվում էԵվրոպական միության աջակցությամբ՝ Ժողովրդավարության զարգացման հիմնադրամի, Փախստականների հարցերով էստոնական խորհրդի, Ընդդեմ կանանց նկատմամբ բռնությանկոալիցիայի և Քըմիթ Գլոբըլ կազմակերպության կողմից: Ծրագիրն ուղղված է Լեռնային Ղարաբաղիփախստականների աջակցմանն ու հզորացմանը՝ նրանց իրավունքների մասին գիտելիքի ևիրազեկվածության բարձրացման, նրանց համար նախատեսված ծառայությունների ևհնարավորությունների մասին տեղեկատվության հասանելիության ապահովման միջոցով։