Կանանց աջակցման կենտրոնի առաքելությունն է կանանց իրավունքների պաշտպանությունը և տնտեսական հզորացումը։ Կենտրոնը հիմնադրվել է 2010 թվականին։ Տտրամադրում է 24/7 գրաֆիկով թեժ գծի ծառայություններ, սոցիալական ծառայություններ, հոգեբանական խորհրդատվություն, ապահով տուն, իրավաբանական օգնություն, կյանքի և ծնողական հմտությունների կրթություն և տնտեսական հզորացման հաջողված ծրագիր՝ ընտանեկան բռնություն վերապրածների համար։

Կանանց ռեսուրսային կենտրոնի առաքելությունն է հավասար և ինքնորոշ կարգավիճակի հաստատումը կանանց համար։ Կենտրոնը հիմնադրվել է 2003թ.-ին և գործում է ՀՀ տարածքում: Տրամադրվող ծառայություններն են՝ հոգեբանական, սոցիալական աջակցություն, կրթական ծրագրեր։ Կենտրոնը գործում է 3 հիմնական թեմատիկ ուղղություններով` ֆեմինիստական ապահով տարածքի տրամադրում, սեռական և վերարտադրողական առողջություն ու իրավունք, ինչպես նաև կանանց իրավունքների ջատագովություն: Կազմակերպությունն առաջարկում է նաև անվճար իրավաբանական խորհրդատվություն կանանց ու աղջիկներին:

Սեռական բռնության ճգնաժամային կենտրոնի առաքելությունն է աջակցություն տրամադրել սեռական բռնության և ոտնձգության ենթարկված անձանց՝ անկախ տարիքից, սեռից, գենդերային ինքնությունից, ազգային և այլ պատկանելությունից: Կենտրոնը գործում է 2000 թվականից։ Տրամադրում է սոցիալական, հոգեբանական, իրավաբանական աջակցություն, թեժ գծի ծառայություններ՝ 24/7 ռեժիմով։ Իրականացնում է շահերի պաշտպանություն, իրազեկում, օրենքների բարելավում։

«Կանանց իրավունքների տուն» կազմակերպության առաքելությունն է աջակցություն տրամադրել բռնության ենթարկված կանանց և աղջիկներին՝ իրականացնելով անվճար իրավաբանական, հոգեբանական և սոցիալական խորհրդատվություններ, նաև ֆինանսական աջակցություն տրամադրել ապահով կացարանի, սննդի ու հիգիենայի պարագաների գնման ու այլ կարիքների բավարարման համար։ Կենտրոնը հիմնադրվել է 2017 թվականին։ Իրականացվող հիմնական ծրագրերն են հոգեբանական և իրավաբանական աջակցությունը։ Կառույցի 3 հիմնական ուղղություններն են բռնության կանխարգելում, կանանց տնտեսական զորեղացումը և քաղաքական մասնակցության խթանումը:

<<Փինք>> իրավապաշտպան հասարակական կազմակերպության առաքելությունն է ԼԳԲՏ+ անձանց իրավունքների պաշտպանությունը։ ՀԿ-ն հիմնադրվել է 2007թ։ Կազմակերպությունը տրամադրում է իրավաբանական, սոցիալական աշխատողի, հագեբանական աջակցություն և հավասարը հավասարին խորհրդատվություն ԼԳԲՏ+ մարդկանց և հարազատներին։ Իրականացնում է շահերի պաշտպանության և հասարակության իրազեկմանն ուղղված ծրագրեր։

«Իրավունքի ուժ» իրավապաշտպան հասարակական կազմակերպության առաքելությունն է աջակցել անհատներին, զարգացնել նրանց կարողությունները, նպաստել նրանց իրավագիտակցության բարձրացմանը՝ օգնելով իրենց իրավունքները և շահերը պաշտպանել: Հկ-ն հիմնադրվել է 2016 թվականին։ ՀԿ-ն մշտադիտարկում է կանանց նկատմամբ բռնության գործերով դատական նիստերը, նպաստում է կանանց իրավունքների վերաբերյալ հանրային իրազեկվածությանը, ինչպես նաև աջակցում է պետական մարմիններին իրականացնել օրենսդրական բարեփոխումներ։

«Իրական Աշխարհ, Իրական Մարդիկ» սոցիալական հասարակական կազմակերպության առաքելությունն է աջակցություն տրամադրել ՄԻԱՎ-ով ապրող անձանց։ Հիմնադրվել է 2003 թվականին՝ մի խումբ բժիշկների և ՄԻԱՎ-ով ապրող մարդկանց կողմից՝ ՄԻԱՎ-ով ապրող անձանց կյանքի որակը բարելավելու նպատակով։ Կենտրոնը տրամադրում է սոցիալական, հոգեբանական և բժշկական ծառայություններ։ Իրականացվող ծրագրերն են՝ ՄԻԱՎ-ի կանխարգելում, սոցիալական պաշտպանությունը։

«Ագաթ» հաշմանդամություն ունեցող կանանց իրավունքների պաշտպանության կենտրոն ՀԿ-ի առաքելությունն է հաշմանդամություն ունեցող կանանց իրավունքների պաշտպանությունը։ Կենտրոնը հիմնադրվել է 2007 թվականին Գյումրի քաղաքում հաշմանդամություն ունեցող կնոջ՝ Կարինե Գրիգորյանի կողմից: Տրամադրում է իրավաբանական, կրթական և սոցիալական ծառայություններ։ Իրականացված ծրագրերն են՝ հաշմանդամություն ունեցող անձանց հզորացումը, ներառականությունը:

«Սպիտակի հելսինկյան խումբ» իրավապաշտպան ՀԿ կազմակերպության առաքելություն է ՀՀ կանանց, երեխաների և ընտանեկան բռնության ենթարկված անձանց կյանքի որակի բարելավումը՝ իրավունքների պաշտպանության, հոգեբանական կայուն ներդաշնակության, սոցիալ-տնտեսական հզորացման միջոցով։ Հկ-ն հիմնադրվել է 2010 թվականին։ Իրականացվող հիմնական ծրագրերն են՝ իրավաբանական և հոգեբանական աջակցությունները։

«Կանանց կենտրոն.Շուշի» Հկ-ն հիմնադրվել է 2019 թվականին և գործել է Արցախում։ 2023 թվականից այն գործում է Հայաստանում։ «Կանանց կենտրոն. Շուշի»-ն աջակցում է բռնությունից և պատերազմից տուժած կանանց և աղջիկներին՝ մարդու իրավունքների, գենդերային հավասարության և խաղաղության ամրապնդման ոլորտում՝ կրթական կարողությունների զարգացման միջոցով։ Հկ-ն աջակցութություն է տրամադրում նաև հոգեբանական աջակցության և էմոցիոնալ հզորացման հարցերում՝ կանանց մոտ վստահություն ու ինքնավստահություն ձևավորելու համար, որ կանայք լինեն հասարակության լիարժեք անդամ: