Տեխնիկական առաջադրանք
Առաջադրանք՝ Գրաֆիկ դիզայներ և հրատարակչական մասնագետ՝ էլեկտրոնային հրապարակման մշակման համար
1. Նախապատկեր
«Ընդդեմ կանանց նկատմամբ բռնության կոալիցիան» վերջնականացնում է «210. Համապարփակ գնահատման արդյունքները» խորագրով համապարփակ զեկույցը։
Այն պետք է գրավիչ, մատչելի և պրոֆեսիոնալ ձևավորված լինի: Ինչպես թվային, այնպես էլ տպագիր տարբերակների համար, մենք փնտրում ենք գրաֆիկ դիզայնի և հրատարակչական աշխատանքների ոլորտի մասնագետ, որը կձևավորի զեկույցի էլեկտրոնային հրատարակման վերջնական տարբերակը, ներառելով բարձրորակ ինֆոգրաֆիկաներ և պատկերազարդումներ։
2. Նպատակ
Ընտրված մասնագետը պատասխանատու կլինի տեսողականորեն գրավիչ, հեշտ օգտագործվող էլեկտրոնային հրապարակման մշակման համար, որը կներառի ինֆոգրաֆիկաներ, տվյալների վիզուալիզացիա և խմբագրված դասավորություն՝ թվային և տպագիր հրապարակման համար օպտիմալացված ձևաչափով։
3. Աշխատանքի շրջանակը
Գրաֆիկ դիզայները և հրատարակչական մասնագետը պետք է իրականացնի հետևյալ աշխատանքները՝
- Տեսողական ոճի և դասավորության մշակում
- Ստեղծել զեկույցի համախմբված և միատեսակ տեսողական ոճ, որը կհամապատասխանի Կոալիցիայի բրենդային ուղեցույցներին և մատչելիության սկզբունքներին։
- Մշակել կարդացվող, կառուցվածքային դասավորություն, որը կբարելավի օգտատերերի փորձառությունը։
- Ինֆոգրաֆիկաների և տվյալների վիզուալիզացիայի մշակում
- Հիմնական գտածոները, վիճակագրական տվյալները և հետազոտական եզրակացությունները վերածել պարզ, տեսողականորեն գրավիչ ինֆոգրաֆիկաների։
- Ձևավորել տվյալահեն գրաֆիկներ՝ գենդերային բռնության աջակցության ծառայությունների վերաբերյալ բարդ միտումները պատկերելու համար։
- Պատկերազարդումների և վիզուալ բարելավումների մշակում
- Օգտագործել պատկերազարդումներ, որոնք լրացնում են զեկույցի բովանդակությունը։
- Կիրառել իմաստալից վիզուալ տարրեր, որոնք կուժեղացնեն զեկույցի պատմողական բաղադրիչը։
- Էլեկտրոնային հրատարակման օպտիմալացում և ինտերակտիվ հնարավորություններ
- Պատրաստել վերջնական տարբերակը թվային օգտագործման համար (PDF, EPUB, ինտերակտիվ PDF, եթե պահանջվի)։
- Ապահովել բջջային սարքերին և տպագրությանը հարմարեցված ձևաչափ, ճիշտ լուծաչափով և տառատեսակներով։
- Վերջնականացում և տպագրության նախապատրաստում
- Իրականացնել որակի վերահսկում և խմբագրում, որպեսզի ապահովվի ձևավորման ճշգրտությունը։
- Պատրաստել տպագրության համար պատրաստի տարբերակը, ներառյալ գունային պրոֆիլներն ու անհրաժեշտ տեխնիկական պարամետրերը։
- Արդյունքներ
- Էլեկտրոնային հրապարակման վերջնական ձևավորված տարբերակ (PDF & EPUB)
- Տպագրության համար պատրաստի տարբերակ (բարձր որակի PDF)
- Խմբագրվող դիզայնի ֆայլեր (Adobe InDesign, Illustrator կամ համապատասխան ձևաչափեր)
- Անկախ ինֆոգրաֆիկաներ և պատկերազարդումներ, որոնք կարող են օգտագործվել հետագա հաղորդակցության համար
- Ժամկետներ
- Մեկնարկային հանդիպում – 2025 թ. մարտի 22
- Սկզբնական դիզայնի գաղափարի ներկայացում – 2025 թ. մարտի 30
- Զեկույցի ամբողջական դիզայնի առաջին տարբերակը – 2025 թ. ապրիլի 10
- Էլեկտրոնային և տպագրության համար պատրաստի վերջնական տարբերակը – 2025 թ. ապրիլի 20
- Պահանջվող որակավորումներ
- Աշխատանքային փորձ պարբերականների, զեկույցների կամ այլ հրատարակչական նախագծերի դիզայնի ոլորտում։
- Ինֆոգրաֆիկաների և տվյալների վիզուալիզացիայի մշակման փորձ։
- Տիրապետում Adobe InDesign, Illustrator, Photoshop և/կամ համապատասխան այլ ծրագրերին։
- Հասկանում է թվային հրատարակման մատչելիության, ընթեռնելիության և օգտատիրոջ փորձառության սկզբունքները։
- Դիմելու կարգ
Հետաքրքրված թեկնածուները պետք է ներկայացնեն՝
- Պորտֆոլիո, որտեղ ներառված են նախորդ նախագծերը (զեկույցների դիզայն, ինֆոգրաֆիկաներ, էլեկտրոնային հրապարակումներ)։
- Կարճ ուղեկցող նամակ, որտեղ նկարագրվում է թեկնածուի համապատասխան փորձառությունը։
- Առաջարկվող բյուջե, նշելով գինը 1 էջի կամ ամբողջ նախագծի համար։
Դիմումները խնդրում ենք ուղարկել մինչև մարտի 20 հետևյալ էլ. հասցեներին՝
[email protected] (CC: [email protected])
Վերնագիր՝ “Graphic Designer & Publishing Specialist – E-Publication”