Ընդդեմ կանանց նկատմամբ բռնության կոալիցիան համագործակցության է հրավիրում մասնագետների և կազմակերպությունների՝ կազմակերպության վեբ կայքի թարմացման և ընտանեկան բռնության դեպքերի հարթակի բարելավման համար։
Մասնագետը/կազմակերպությունը պատասխանատու է իրականացնել ստորև նշված աշխատանքները՝
- թարմացնել կայքի ներկայիս նախագիծը,
- մշակել կայքի նոր դիզայնը,
- ծրագրավորել և թեստավորել կայքի նոր տարբերակը,
- ուժեղացնել կայքի պաշտպանական մեխանիզմները,
- ներկայացնել և ուսուցանել կայքի կառավարման համակարգը,
- իրականացնել կայքի սպասարկման նախնական աշխատանքները,
- բարելավել ընտանեկան բռնության դեպքերի արխիվացման հարթակը,
- այլ աշխատանքներ՝ ըստ անհրաժեշտության։
Դիմելու ընթացակարգը՝
Խնդրում ենք ուղարկել ձեր կարճ ինքնակենսագրականը (CV) (կազմակերպության դեպքում՝ ամփոփ նկարագիրը կամ կայքի հղումը) և կատարած աշխատանքների պորտֆոլիոն [email protected] էլ. հասցեին՝ նամակի վերնագրում գրելով «Կոալիցիայի կայքի պատրաստում»: Անհրաժեշտ փաստաթղթերն ուղարկել ոչ ուշ, քան 2019 թ․ հունիսի 18-ը։
Հաշվի առնելով դիմումների քանակը՝ կազմակերպությունը կապ կհաստատի միայն հարցազրույցի փուլ անցած դիմողների հետ:
Աշխատանքի դիմողների համար առանցքային առաջնահերթություն է մասնագիտական փորձը և հարգանքը մարդու իրավունքների և հիմնարար ազատությունների նկատմամբ: Աշխատանքը հարմար է հաշմանդամություն ունեցող անձանց համար:
—
Ընդդեմ կանանց նկատմամբ բռնության կոալիցիան 10 հասարակական կազմակերպությունների միավորում է, որի առաքելությունն է համատեղ ջանքերով նպաստել կանանց նկատմամբ բռնության նվազմանը և պաշտպանության մեխանիզմների ամրապնդմանը։