«Ընդդեմ գենդերային բռնության ակտիվության 16-օրյակ»-ը համաշխարհային շարժում է, որն ուղղված է կանանց դեմ բռնության բոլոր ձևերի վերացմանը: Նոյեմբերի 25-ից մինչև դեկտեմբերի 10-ն անցկացվող միջոցառումների շրջանակում մարդիկ հնարավորություն են ստանում համատեղելու իրենց ջանքերն ըննդեմ գենդերային բռնության։ Քարոզարշավը տարեցտարի նոր թափ է ստանում և ավելի շատ մարդիկ են իրենց ձայնը բարձրացնում կանանց դեմ ուղղված բռնության դեմ պայքարին: Քարոզարշավն ուղղված է ամբողջ աշխարհի կանանց և աղջիկների նկատմամբ բռնության նվազեցմանը, կանանց իրավունքները բարձրաձայնելուն և նրանց ձայնը լսելի դարձնելուն: 16-օրյակի շրջանակներում ակտիվիստները, գիտնականները և քաղաքական գործիչները միավորվում են պայքարելու գենդերային հիմքով բռնության դեմ և օժանդակելու բոլորին՝ ունենալ հավասար կրթության հնարավորություն, միաժամանակ զբաղվելով կանանց իրավունքների պաշտպանությամբ: Այս տարի կարևորվում է կրթության հիմնախնդիրը, և թե ինչ հետևանքներ կարող է ունենալ գենդերային հիմքով բռնությունը՝ կրթության հավասար իրավունքի իրացման վրա, հատկապես նրանց, որոնք տարբեր ինքնություններ ունեն և ավելի մարգինալացված են:
Հայաստանում «Ընդդեմ գենդերային բռնության ակտիվության 16-օրյակ»-ի քարոզարշավը կմեկնարկի նոյեմբերի 25-ին, ժամը 12:30-ին ՝ « Չլինել անտարբեր բռնության հանդեպ» երթով։
Օրակարգը՝
- 25/11/2016, 12:30-ին «Չլինել անտարբեր բռնության հանդեպ» երթ։
Երթուղի․ Տերյան 105՝ Երևանի Պետական Ճարտարագիտական Համալսարանի (Պոլիտեխնիկական համալսարանի) բակից, մետրո Երիտասարդական, Ալեք Մանուկյան փողոց, Խանջյան փողոց և կավարտվի Մանկավարժական համալսարանի մոտ:
- 28/11/2016 ,ժամը 12:00-14։00 դասախոսություն-քննարկում Ամերիկյան համալսարանում
- 29/11/2016, ժամը 12:00-14:00- Պրես- լանչ «Էօն» ակումբում
- 06/12/2016 ժամը 18:00 Ֆիլմի ցուցադրություն , «Հոդված 3»- ակումբում
- 10/12/2016 ժամը 18:00 «Յոթ» ներկայացումը՝ Համազգային թատրոնում