«Ընդդեմ կանանց նկատմամբ բռնության» կոալիցիան հրավիրում է մենապարուհիների և պարային խմբերի՝ մասնակցելու մրցույթի։ Նախատեսում ենք թողարկել կանանց նկատմամբ բռնության և կնասպանության թեմայով պարային հոլովակ, որը կցուցադրի բռնության խնդիրն ու կանանց դիմադրական պայքարը։

 Ընդդեմ կանանց նկատմամբ բռնության կոալիցիայի մասին․

«Ընդդեմ կանանց նկատմամբ բռնության» կոալիցիայի առաքելությունն է համատեղ ջանքերով նպաստել կանանց և աղջիկների նկատմամբ գենդերային բռնության նվազմանը՝ կանխարգելման և պաշտպանության մեխանիզմների ամրապնդման միջոցով։Կոալիցիան առ այսօր արձագանքել է կանանց նկատմամբ բռնության բազում դեպքերի և հանրության լայն շերտերի իրազեկել է կանանց նկատմամբ բռնության համակարգային խնդրի մասին: Կոալիցիայի տարիների ջատագովման աշխատանքների արդյունքում՝ 2017թ. ընդունվեց ընտանեկան բռնությունը կանխարգելող և բռնության ենթարկված անձանց պաշտպանությունն ապահովող օրենք:

Ծրագրի նկարագրություն․

«Կին իրավապաշտպանները քայլեր են ձեռնարկում Հայաստանում գենդերային բռնությանդեմ» (2020-2022 թթ․) ծրագիրն իրականացվում է Ընդդեմ կանանց նկատմամբ բռնության կոալիցիայիկողմից Եվրոպական միության ֆինանսավորմամբ։Ծրագրի ընդհանուր նպատակն է նպաստել Հայաստանում կանանց նկատմամբ բռնությանվերացմանը:

Ծրագրային ուղղություններն են․

Ա․Պետության կողմից անհրաժեշտ օրենքների, քաղաքականությունների և մեխանիզմների ընդունումը՝ուղղված կանանց ընտանեկան ու գենդերային բռնություններից պաշտպանությանն ու կանխարգելմանը,ինչպես նաև պետական մարմինների կարողությունների զարգացում՝ ապահովելու արդյունավետ, զգայունև բազմաոլորտային արձագանք գենդերային բռնությանը։

Բ․Բարձրացնել կանանց, քաղաքացիական հասարակության կազմակերպությունների և հասարակությանիրազեկվածությունը ընտանեկան և գենդերային բռնության տարածվածության և առկա պաշտպանականմեխանիզմների վերաբերյալ:

Պարային ներկայացման նպատակները․

«Ընդդեմ կանանց նկատմամբ բռնության» կոալիցիան նախատեսում է թողարկել կանանց նկատմամբ բռնության և կնասպանության թեմայով պարային հոլովակ, որը կցուցադրի բռնության խնդիրն ու կանանց դիմադրական պայքարը։

Գործողության շրջանակներում անհրաժեշտ է՝

• Բեմադրել կնոջ/կանանց մոնո կամ խմբային պար
• Բարձր որակով տեսանկարահանել բեմադրած պարը
• Պատրաստել հոլովակ՝ ուղեկցվող երաժշտությամբ և կազմակերպության կողմից ներկայացված ամփոփ վիճակագրական տվյալներով։

Դիմել կարող են ինչպես անհատ պարուհիները, այնպես էլ ոլորտում գործունեություն ծավալող կազմակերպությունները։ Իբրև անհատ դիմելու պարագայում հարկավոր է նշել, թե նկարահանման ինչ ստուդիայի հետ է պատրաստվում համագործակցել դիմորդը։

Դիմելու ընթացակարգ

 Ուղարկեք Ձեր CV-ն, բեմադրված պարի որևէ օրինակև երկու կոնտակտային անձանց տվյալներ[email protected] հասցեին՝ նամակի վերնագրում նշելով «Պարի բեմադրման և նկարահանման մրցույթի հայտ»:

Դիմումների վերջնաժամկետը օգոստոսի 31-ն է: Ուշացած դիմումները չեն քննարկվի: Հաշվի առնելով դիմումների քանակը՝ կազմակերպությունը կապ կհաստատի միայն հարցազրույ­ցի փուլ անցած դիմորդների հետ: