Դասարանում ունե՞ք ընկերներ, ովքեր եկել են Արցախից։ Մենք վստահ ենք, որ դուք արդեն ֆանտաստիկ աշխատանք եք կատարում՝ օգնելով նրանց հարմարվել իրենց նոր միջավայրին և դպրոցին: Բայց եկեք հիշենք, որ նրանք այժմ ավելի քան երբևէ ունեն մեր աջակցության կարիքը, որպեսզի իսկապես հզորանան ու զարգանան նոր միջավայրում:
Ահա՛, մի քանի լրացուցիչ քայլեր, որոնք կարող եք ձեռնարկել.
▪️ Մեկնե՛ք օգնության ձեռք: Բաց լինելով, լսելով ու աջակցելով կհեշտացնենք վերահաստատման ճանապարհը: Առօրյա զրույցը կարող է նպաստել այս ընթացքին:
▪️ Աջակցե՛ք: Եղե՛ք ներկա, երբ նրանք դրա կարիքը ունենան: Անկախ նրանից, թե դա դպրոցին ծանոթացնելն է, տնային աշխատանքում օգնելը, թե պարզապես աջակցող ընկեր լինելը, ձեր բարությունը կարող է մեծ ազդեցություն ունենալ:
▪️ Ստեղծե՛ք ներառական տարածքներ: Հրավիրե՛ք նրանց միանալ խմբային գործունեությանը կամ ձեր ընկերների հետ առօրյա շփումներին: Ընդգրկված լինելը օգնում է զգալ, որ իրենք պատկանում են տվյալ համայնքին:
▪️ Լսե՛ք և հաստատե՛ք: Ժամանակ հատկացրեք լսելու նրանց փորձառությունները և հաստատելու նրանց ապրումները: Թող իմանան, որ իրենց մտքերն ու զգացմունքները կարևոր և գնահատված են:
▪️ Եղե՛ք համբերատար և ըմբռնումով մոտեցեք: Հասկացե՛ք, որ նոր միջավայրին հարմարվելը կարող է ժամանակ պահանջել: Եղեք համբերատար և աջակցող, երբ տեսնում եք, որ առնչվում են խնդիրների դպրոցում կամ միջավայրում հարմարվելու:
▪️ Բուլիինգ մի՛ հանդուրժեք: Եթե բուլիինգի կամ ճնշման են ենթարկվում, եղեք նրանց կողքին: Մի՛ հանդուրժեք նման վարքագիծ և ցանկացած միջադեպի մասին տեղեկացրեք ուսուցիչներին կամ դպրոցի ղեկավարությանը:
Միասին շարունակենք լինել բարի, ապրումակցող ու աջակից արցախցի մեր ընկերների հանդեպ։ Միասին կանգնելով՝ մենք կարող ենք ստեղծել ջերմ և հյուրընկալ միջավայր, որտեղ բոլորն իրենց գնահատված և ներառված կզգան:
European Union in Armenia